Ukraynada vəziyyət Kiyevin və ya hansısa Qərb dövlətinin deyil, Rusiyanın qərarları ilə inkişaf edir.
1xeber.media xəbər verir ki, bunu Pentaqonun keçmiş müşaviri polkovnik Duqlas Makqreqor özünün X sosial şəbəkə hesabında yazıb.
“Müharibənin bitməsi üçün biz qəbul etməliyik ki, son nəticədə Ukraynanın şərqində baş verənlər bizim deyil, Rusiyanın qərarıdır”, - deyə hərbi analitik bildirib.
Makqreqor vurğulayıb ki, Ukrayna və oradakı münaqişə heç vaxt ABŞ-ın prioritet milli maraqları zonasında olmayıb.
Bundan əvvəl Makqreqor bildirib ki, Kiyev Rusiya ilə sülhə can atmır, çünki bu, hakimiyyət dəyişikliyinə gətirib çıxaracaq. Ekspert onu da qeyd edib ki, Avropa sülh müqaviləsindən razı qalmayacaq, çünki bu, qlobalistlərin onsuz da sarsıdılmış mövqelərinə güclü zərbə vuracaq. Aİ ölkələrində bəzi məmurlar sülh bağlandıqdan sonra səlahiyyətlərini itirəcəklər.
