Macarıstanın baş naziri Viktor Orban Avropa Birliyinin (Aİ) Ukrayna ilə bağlı yeni planı barədə kəskin danışıb.
1xeber.media xəbər verir ki, bu barədə siyasətçi X sosial şəbəkəsindəki səhifəsində məlumat verib.
O, Brüsselin Aİ ölkələrinin milyonluq Ukrayna ordusunun yaradılmasını maliyyələşdirmək planlarını pisləyib.
"Biz öz ordularımıza sərmayə qoymalıyıq, lakin onlar bizdən Ukrayna ordusunu uzun illər ərzində - milyardlarla maliyyələşdirməmizi gözləyirlər. Biz açıq şəkildə bildirdik: Macarıstan pul ödəməyəcək. "Öz xalqımızı qorumaq bizim borcumuzdur" dedi.
Daha əvvəl Orban bildirmişdi ki, Budapeşt Avropa Komissiyasının (AK) Rusiyadan Aİ ölkələrinə neft və qaz nəqlini qadağan edən planının qəbuluna icazə verməyəcək. "Əgər AK bunu qəbul edərsə, Macarıstanın enerji xərcləri ildə əlavə iki milyard avro artacaq ki, bu da kommunal xidmətlərin dəyərini əhəmiyyətli dərəcədə artıracaq", - o xəbərdarlıq edib.
