NATO-nun baş katibi Mark Rutte alyansın Haaqa sammitindən sonra Reuters agentliyinə müsahibə verib.
1xeber.media xəbər verir ki, Agentliyin məlumatına görə, onun əsas məqamları budur.
Heç bir NATO üzvü Rusiya haqqında “sadəlövh” deyil və hamısı onun niyyətlərini “az-çox eyni qiymətləndirir”.
“ABŞ daxil olmaqla, bütün NATO Ukraynanın döyüş qabiliyyətini dəstəkləməyə, hər hansı sülh sazişi və ya atəşkəs varsa, onun güclü və davamlı olmasını təmin etməyə tam sadiqdir”.
NATO-nun Avropa üzvləri tədricən Ukraynaya daha çox dəstək verəcəklər, lakin ABŞ-dan müəyyən yardımlar gəlməyə davam edəcək. Birləşmiş Ştatlar potensial hava hücumundan müdafiə sistemləri də daxil olmaqla “kəşfiyyat məlumatlarının mübadiləsində, həm də praktiki hərbi dəstəkdə” çox iştirak edəcək. "Düşünürəm ki, ABŞ-ın hələ də böyük, nəhəng iştirakı olacaq" dedi Rutte.
