Türkiyənin təşəbbüsü ilə Rusiya, ABŞ və Ukraynanın iştirakı ilə keçiriləcək sammitlə bağlı hələlik konkret məlumat yoxdur.
1xeber.media xəbər verir ki, bu barədə RİA Novosti Türkiyə diplomatik mənbəsinə istinadən məlumat yayıb.
"Xeyr, heç bir konkretlik yoxdur. Türkiyə münaqişənin həlli üçün bütün tərəflərlə əlaqə saxlayır", - agentliyin mənbəsi bildirib.
İyunun 2-də Türkiyə prezidenti Rəcəb Tayyib Ərdoğan Ukraynadakı münaqişənin həlli üçün ölkə liderləri səviyyəsində sammit təşkil etməyi təklif edib. O qeyd edib ki, Rusiya prezidenti Vladimir Putin və Ukrayna lideri Vladimir Zelenski görüşsə, Ağ Ev rəhbəri Donald Tramp da iştirak edə bilər.
