1xeber.media xəbər verir ki, Gürcüstan prezidenti və keçmiş futbolçu Mixail Kavelaşvili ABŞ prezidenti Donald Trampa Vaşinqtonla Tiflis arasında münasibətlərin yenidən qurulmasını təklif edib.
Onun Birləşmiş Millətlər Təşkilatının (BMT) Baş Assambleyasına səfərindən sonra söylədiyi fikirlər Birinci Kanal Gürcüstana istinadən xəbər verir.
“Mən ABŞ prezidentinə dedim ki, münasibətlərimizi bərpa etməyin vaxtı çatıb (...) Biz onun cavabını gözləyəcəyik”, - deyən Kavelaşvili Trampın məsələyə yenidən baxacağına və onunla əlaqə saxlamağa söz verdiyini qeyd edib.
Ötən gün BMT-də çıxış edən Kavelaşvili Ukraynanı “qanlı müharibəsində” dəstəkləyib. O, həmçinin abxaz və osetin xalqlarına müraciət edərək onları “işğalın o tayındakı” xalqlar adlandırıb.
Bundan əvvəl Gürcüstan prezidenti Ağ Evi passivlikdə ittiham edərək, Donald Trampı ölkəsinə diqqət yetirməyə çağırıb. Fevralda Avropa İttifaqı Kavelaşvilini Gürcüstanın qanuni prezidenti kimi tanımaqdan imtina edib.
