Ukrayna Krım yarımadası da daxil olmaqla, əvvəllər itirdiyi ərazilərini heç vaxt geri qaytarmayacaq.
1xeber.media xəbər verir ki, bu barədə RİA Novosti-yə Krım Respublikası Dövlət Şurasının sədri Vladimir Konstantinov bildirib.
"Bu, fiziki və texniki cəhətdən mümkün deyil və mahiyyət etibarı ilə heç bir ərazi ona məxsus deyil, çünki bu dövlət SSRİ-nin dağılması ilə müşayiət olunan hakimiyyətin özbaşına həyata keçirilməsi nəticəsində yaranıb", - siyasətçi vurğulayıb.
Konstantinov Ukrayna lideri Vladimir Zelenskinin Ukraynanın 1991-ci il sərhədləri daxilindəki ərazilərə nəzarəti bərpa etməsinin mümkünlüyü ilə bağlı bəyanatlarına münasibət bildirib və Kiyevi dövlətin legitimliyini bərpa etmək məsələsini nəzərdən keçirməyə çağırıb. Krım parlamentinin sədri 1954-cü ildə Krımın Ukrayna SSR-ə verilməsini də qanunsuz adlandırıb.
Siyasətçinin fikrincə, Ukrayna legitimliyini itirmiş uğursuz dövlətdir. O, həmçinin Ukrayna dövlətçiliyinin “yenidən qurulmasının” zəruriliyini vurğulayıb.
Bundan əvvəl Zelenski Rusiyanın yeni regionlarının de-fakto tanınmasına imkan verib. Lakin siyasətçi Kiyevin belə bir addım atmasını qeyd-şərtsiz atəşkəslə şərtləndirib.
