Azərbaycanda saxlanılan erməni məhbusların tezliklə azad ediləcəyinə ümid edirik.
1xeber.media xəbər verir ki, bunu Ermənistanın xarici işlər naziri Ararat Mirzoyan ATƏT-in fəaliyyətdə olan sədri, Finlandiyanın xarici işlər naziri Elina Valtonenlə birgə mətbuat konfransında deyib.
Mirzoyan bildirib ki, Ermənistanla Azərbaycan arasında münasibətlərin normallaşması prosesinin davam etməsinə baxmayaraq, həll olunmamış məsələlər qalmaqdadır: "Ermənistan ərazisində azərbaycanlı əsir yoxdur.
İş gündəlik həyata keçirilir. Bu, heç də həmişə gözə dəymir və heç də tez nəticə vermir, lakin biz səylərimizi dayandırmırıq. Ümid edirəm ki, tezliklə müsbət xəbərlərimiz olacaq".
O, həmçinin azərbaycanlı həmkarları ilə bu yaxınlarda Şarm əl-Şeyxdə məhbuslar məsələsi ilə bağlı müzakirələr apardığını da bildirib. Mirzoyan xüsusilə Beynəlxalq Qızıl Xaç Komitəsinin fəaliyyətinin dayandırılması kontekstində bu məsələ ilə bağlı məlumat mübadiləsi prosesində üçüncü ölkələrin iştirakının vacibliyini vurğulayıb: "Bu boşluğu doldurmaq lazımdır. Biz üçüncü ölkələrlə əməkdaşlığı istisna etmirik, lakin biz Azərbaycan tərəfi ilə birbaşa formatda əsas əlaqələrimizi davam etdiririk".
