“Bizim 2018-ci ildə xarici borcumuz 8.9 milyard dollar idisə, onu 45% azaldıb 4.9 milyard dollar səviyyəsinə çatdıra bilmişik”.
1xeber.media xəbər verir ki, bunu maliyyə nazirinin müavini Azər Bayramov Milli Məclisin İqtisadi siyasət, sənaye və sahibkarlıq komitəsinin “Dövlət suverenliyinin iqtisadi əsasları və iqtisadi müstəqillik” mövzusunda bu gün keçirilən elmi-praktik konfransında bildirib.
O qeyd edib ki, son 20 ildə ölkənin icmal büdcə gəlirləri 14 dəfə, xərcləri isə 17 dəfədən çox artıb:
“Bu dövrdə adambaşına düşən büdcə xərcləri 14 dəfədən çox artıb. Əvvəl dövlət borcunun 89%-i xarici, 11% -i isə daxili borc idi. Ancaq indi dövlət borcunun 67%-i daxili, 32-33% xarici borc hesabına formalaşan borcdur. Bu isə iqtisadi suverenliyin əsas göstəricisidir”.
İşğaldan azad edilmiş ərazilərə son 4 ildə dövlət büdcəsindən ayrılan vəsaiti açıqlayan nazir müavini bildirib ki, həmin ərazilərin yenidən qurulması, bərpası və ölkə iqtisadiyyatına reinteqrasiyası istiqamətində işlər sürətlə davam etdirilməkdədir:
“İşğaldan azad edilmiş ərazilərin yenidən qurulması və bərpası üçün dövlət büdcəsindən 2021-2025-ci illərdə 21,6 milyard manat vəsait ayrılıb”.
