Ukrayna prezidenti Vladimir Zelenski və Almaniya kansleri Fridrix Merz Rusiyanın dondurulmuş aktivlərini müzakirə ediblər.
1xeber.media xəbər verir ki, bu barədə Ukrayna lideri özünün Telegram kanalında yazıb.
“Biz həmçinin Ukraynanın müdafiəsi üçün Rusiyanın dondurulmuş aktivlərindən istifadə mexanizmini müzakirə etdik – Almaniyanın da bunu dəstəkləməsi vacibdir”, - deyə Zelenski yazıb.
Liderlər Ukraynanın hava hücumundan müdafiə sistemlərinin gücləndirilməsini də müzakirə ediblər. Zelenski Berlinin bu baxımdan mühüm töhfəsini də qeyd edib.
Bundan əvvəl fransalı həmkarı Emmanuel Makronla görüşdən sonra Zelenski münaqişəyə son qoymağın mümkünlüyündən danışıb. O, həmçinin Kiyev üçün təhlükəsizlik təminatlarının tamamlanmasına çağırıb.
