Serbiyada bütün dəmir yolu hərəkətləri terror təhlükəsi ilə bağlı dayandırılıb.
1xeber.media xəbər verir ki, bu barədə oktyabrın 31-də ölkənin dəmir yollarını təmsil edən “Srbijavoz” şirkətinin mətbuat xidməti məlumat yayıb.
Srbijavoz öz müştərilərinə bildirir ki, 31 oktyabr 2025-ci il tarixində ona bütün qatarlara və dəmir yollarına partlayıcı qurğuların yerləşdirildiyini bildirən anonim mesajdan ibarət zəng daxil olub”, - deyə şirkətin saytında bildirilir.
Srbijavozun fəal əməkdaşlıq etdiyi ölkənin Daxili İşlər Nazirliyi hazırda vəziyyətin həlli ilə məşğuldur. Terror aktı Novi Sadda faciənin ildönümü ərəfəsində qeydə alınıb.
