İsrail Livanla "mümkün qədər tez" danışıqlara başlayacaq.
1xeber.media xəbər verir ki, bunu İsrailin Baş naziri Binyamin Netanyahu bildirib.
"Livanın İsrail ilə birbaşa danışıqlara başlamaq üçün dəfələrlə etdiyi çağırışları nəzərə alaraq, dünən kabinetə Livanla birbaşa danışıqlara mümkün qədər tez başlamaq tapşırığı verdim", - deyə Netanyahu bildirib.
Onun sözlərinə görə, danışıqlar Hizbullahın tərksilah edilməsinə və İsrail ilə Livan arasında dinc münasibətlərin qurulmasına yönələcək.
Netanyahu əlavə edib ki, İsrail "Livan Baş nazirinin Beyrutun silahsızlaşdırılması ilə bağlı bu günkü çağırışını yüksək qiymətləndirir".
Daha əvvəl Livan hökuməti Beyrutda silah istifadəsini dövlət qurumları ilə məhdudlaşdırmışdı.
