Azərbaycanda iki qurum - “BakuBus” və “Bakı Taksi Xidməti” ləğv edilib və Bakı Metropoliteninə birləşdirilib. Bu barədə mayın 7-də Prezident İlham Əliyev fərman imzalayıb.
“Yeni Sabah” ləğv edilmiş qurumlar və onların rəhbərləri ilə bağlı faktları təqdim edir:
“BakuBus” Nazirlər Kabinetinin 3 aprel 2014-cü il tarixli qərarı ilə Bakı Şəhər İcra Hakimiyyətinin tabeliyində yaradılıb, ölkə Prezidentinin 6 iyul 2018-ci il tarixli fərmanı ilə BNA-nın tabeliyinə, 12 fevral 2021-ci il tarixli sərəncamı ilə isə Azərbaycan İnvestisiya Holdinqinin idarəetməsinə verilib. pizza sifarişi
“BakuBus” MMC-nin direktoru Hikmət Qəribovdur. O, bu vəzifəyə 2024-cü il aprelin 19-da təyin edilib. H.Qəribov direktor vəzifəsində Elnur Qarayevi əvəzləmişdi.
Rəqəmsal İnkişaf və Nəqliyyat Nazirliyinin tabeliyində olan “Bakı Taksi Xidməti” MMC Nazirlər Kabinetinin 30 mart 2015-ci il tarixli 89 nömrəli qərarına əsasən yaradılmışdı.
“Bakı Taksi Xidməti” MMC-yə Fuad Əliyev rəhbərlik edir. O, 2019-cu ilin iyul ayında əvvəlki direktor Ələsgər Şirinov vəzifəsindən ayrıldıqdan sonra bu quruma rəhbər təyin edilib.
Fuad Əliyev buna qədər həmin müəssisədə direktor müavini vəzifəsində çalışıb.
