Dünya Əhali İcmalına görə, orta IQ-ya ən yüksək sahib olan ölkələr Çin, Tayvan, Honkonq və Makao (Çinin xüsusi inzibati bölgəsi) olub.
1xeber.media xarici mətbuata istinadən xəbər verir ki, onların IQ səviyyəsi ortalama 107-dir. Cənubi Koreya və Yaponiya isə 106 balla ikinci yerdə qərarlaşıb.
Məlumata görə, Beynəlxalq IQ Testinin (IIT) nəticələri dünya miqyasında 1,3 milyondan çox iştirakçı üzərində aparılıb. Təqdiqat təhsil keyfiyyətləri əsasında baş tutur.
2022-ci il üzrə OECD-nin Beynəlxalq Tələbə Qiymətləndirmə Proqramı (PISA) Sinqapuru riyaziyyat, elm və oxu sahələrində görkəmli nailiyyətlər nümayiş etdirərək ümumilikdə birinci yerə çıxarıb.
2026- ci ildə isə Dünya Əhali İcmalına görə, IQ balları ilə akademik nailiyyətlər arasında güclü bir əlaqə göstərən Çin, Yaponiya, Tayvan və Cənubi Koreya da ilk 5-likdədir.
Lakin mütəxəssislər IQ-nun zəkanın yeganə ölçüsü olmadığını deyirlər.
IQ geniş istifadə edilən bir ölçü olaraq qalsa da, analitiklər bunun təhsilə çıxış və sosial-iqtisadi resurslardan təsirləndiyini qeyd edirlər.
Aşağı bal toplayan regionlar, ümumiyyətlə, fitri istedaddan daha çox təhsil və inkişafdakı bərabərsizlikləri əks etdirir. Buna baxmayaraq, son məlumatlar Şərqi Asiya ölkələrinin zəka və akademik göstəricilərdə ardıcıl qlobal liderliyini vurğulayır.
