“DOST İş Mərkəzi” MMC 24 aylıq ofis icarəyə götürüb.
1xeber.media xəbər verir ki, bu məqsədlə keçirdiyi tenderin nəticəsini açıqlayıb.
Məlum olub ki, DOST İş Mərkəzi ofisi fiziki şəxs Əşrəf Səxavət oğlu Səfərovdan icarəyə götürüb. Bu müddət üçün isə icarə haqqı olaraq, 1 milyon 320 min manat ödəyib.
1xeber.media-nın məlumatına görə,Tribuna.az-ın açıq mənbələr üzərindən apardığı araşdırma zamanı bir sıra maraqlı detallar üzə çıxıb. Əvvəlcə məlum olub ki, DOST İş Mərkəzi Əşrəf Səfərovdan ilk dəfə deyil ofis icarəyə götürür. Belə ki, 2024-cü ildə də tərəflər arasında iki illik müqavilə bağlanılıb. Həmin vaxt 2750 kv.metrlik ofisə görə 853 710 manat ödəniş edilib.
İki ildən sonra icarə haqqının 450 min manat və ya 50 faiz artırılmasının konkret səbəbi məlum deyil. Hərçənd ölkədə qeyri-yaşayış sahələrinin icarə haqlarında son iki ildə artım var. Lakin bu, 50 faiz həddində deyil.
Araşdırma zamanl həmçinin məlum olub ki, Əşrəf Səfərov “Kia Motors AZ” MMC-nin faktiki rəhbəri Səxavət Səfərovun oğludur. MMC ilə bağlı reyestr məlumatlarında isə Əşrəf Səfərovun adı şirkətin qanuni təmsilçisi kimi qeyd edilib.
Həmçinin o da üzə çıxıb ki, Əşrəf Səfərov vaxtilə “Parabank”ın Nəsimi filialına rəhbərlik edib. Onun və atasının adı sözegdən bankla bağlı 40 milyonluq qeyri-leqal maliyyə əməliyyatında hallanıb.
Həmin vaxt yayılan məlumatlarda iddia olunur ki, “Kia Motors Az” MMC-nin dövlətdən gizlətdiyi 40 milyon manatı “Parabank”ın Nəsimi filialında qeyri-qanuni şəkildə saxlanması aşkar edildikdən sonra Vergilər Nazirliyi bankda yoxlamalara başlayıb. Elə buna görə də “Parabank”ın rəhbərliyi ilə Səxavət Səfərovun dostluq münasibətləri düşmənçilik həddinə çatıb. Əşrəf Səfərov məhz həmin vaxt “Parabank”ın Nəsimi filialana rəhbərlik edib.
Yazıda adı keçən şəxs və qurumların da mövqeyini dərc etməyə hazırıq.
