1xeber.media xəbər verir ki, 2025-ci ildə Çin ABŞ-ı ötüb Almaniyanın ən böyük xarici birbaşa investisiya mənbəyinə çevriləcək.
Məlum olub ki, ötən il Almaniyada Çin şirkətinin 228 layihəsi qeydiyyata alınıb. Yalnız 206 layihə ABŞ-dan olan sahibkarların payına düşüb. ÇXR və ABŞ-dan başqa, ölkəyə xarici birbaşa investisiyaların ən böyük beş mənbəyi İsveçrə, Birləşmiş Krallıq və Hollandiyadır. Almaniyada ümumilikdə 1564 xarici birbaşa investisiya layihəsi qeydiyyata alınıb. Bu, 2024-cü ilin rəqəmlərini 9,3% üstələyib.
Nəşr xatırladıb ki, Almaniya kansleri Fridrix Merts fevral ayında Pekinə səfəri zamanı Çin şirkətlərini Almaniyaya investisiyalarını artırmağa çağırıb.
"Biz Almaniyada Çin investisiyası istəyirik. Çin investisiyaları sayəsində Almaniyada iş yerləri istəyirik", - deyə o bildirib.
Əvvəllər bildirilirdi ki, aprel ayında Çin elektrik avtomobil istehsalçıları Avropanın müvafiq bazarının 15 faizini ələ keçiriblər.
