Slovakiyanın Baş naziri Robert Fiko Avropa Şurasının sədri António Kostanın Rusiya ilə əlaqələr qurmaq qərarını dəstəklədiyini bildirib.
1xeber.media xəbər verir ki, onun açıqlaması Politico tərəfindən sitat gətirilib.
Siyasətçi bildirib ki, "Mən Avropa Şurasının sədrini dəstəkləyirəm və onun komandasının bu istiqamətdə irəliləməsini alqışlayıram".
Fiko qeyd edib ki, bir neçə digər Avropa lideri də onun fikrini bölüşür.
Əvvəllər bildirilirdi ki, bir çox Avropa İttifaqı (Aİ) lideri Kostanın ofisinin Rusiya ilə əlaqələrindən narazıdır, çünki Kosta bu addımı barədə Aİ liderlərinə məlumat verməyib. Mənbələrə görə, Fransa prezidenti Emmanuel Makron və Almaniya kansleri Fridrix Merts şəxsi söhbətlərində Avropa Şurası sədrinin hərəkətlərini bəyənmədiklərini açıq şəkildə bildiriblər.
