Qəbələnin Uludaş kəndində məktəb binası tamamilə yanıb.
1xeber.media xəbər verir ki, hadisə ötən gün axşam saatlarında Qafur Şərifov adına tam orta məktəbdə baş verib.
Yanğın yerinə yanğınsöndürənlər cəlb olunub. Məktəb binası tamamilə yanaraq yararsız vəziyyətə düşüb.
Hadisə ilə bağlı Şəki-Zaqatala Regional Təhsil İdarəsi açıqlama yayıb. Bildirilib ki, iyunun 21-i gecə saatlarında Qəbələ rayonu Qafur Şərifov adına Uludaş kənd tam orta ümumtəhsil məktəbində yanğın baş verib: “Hadisə yerinə dərhal Fövqəladə Hallar Nazirliyinin yanğınsöndürən briqadası və canlı qüvvəsi cəlb olunaraq yanğın söndürülüb. Hadisə nəticəsində xəsarət alan olmayıb. Yanğının başvermə səbəbləri aidiyyəti qurumlar tərəfindən araşdırılır”.
