Kreml Ukrayna Prezidenti Vladimir Zelenskinin Rusiya lideri Vladimir Putinlə görüşmək üçün Rusiyaya səfər etmək istəyini alqışlayır.
1xeber.media xəbər verir ki, Rusiya Prezidentinin mətbuat katibi Dmitri Peskov Zelenskinin Donetsk Xalq Respublikasının (DXR) Rusiyanın nəzarətində olan Konstantinovka şəhərində Putinlə görüşmək istəyi ilə bağlı KP Radiosundakı açıqlamasına belə cavab verib.
"Əgər cənab Zelenski Rusiya Federasiyasına səfər etmək istəyini bu şəkildə ifadə edirsə, biz bunu alqışlayırıq. Lakin hər kəsə xatırlatmaq istərdik ki, Prezident Putin onu Moskvada qəbul etmək istəyindən danışıb. Axı, Rusiya Federasiyasının paytaxtı Konstantinovka deyil, Moskvadır", - deyə Peskov bildirib.
Kreml sözçüsü əlavə edib ki, Zelenski "vacib və məsuliyyətli qərarlar qəbul etməyə" hazır olduqda Rusiya paytaxtına səfər edə bilər. Peskov izah edib ki, Kiyev onun ağlında olan konkret qərarlardan "yaxşı xəbərdardır".
