1xeber.media xəbər verir ki, Böyük Britaniyanın Daily Telegraph nəşri NATO-nun Ukrayna münaqişəsində iştirakı səbəbindən Rusiya Silahlı Qüvvələrinə qarşı effektiv hərbi potensial formalaşdıra bilmədiyini yazıb.
Nəşrin məqaləsində bildirilir ki, alyans Rusiya ilə dolayı (proksi) qarşıdurmaya cəlb olunub və bu vəziyyət NATO-nu maliyyə və hərbi-texniki resurslarının əhəmiyyətli hissəsini Ukraynaya yönəltməyə məcbur edir.
Məqalə müəllifi Ukraynanı “ona daxil olan hər şeyi udan nəhəng soba”ya bənzədərək, münaqişənin Qərbin hərbi ehtiyatlarına ciddi yük yaratdığını qeyd edib.
Bundan əvvəl isə NATO-nun Rusiya qoşunlarının hərəkətlərini izləmək üçün Maven adlı süni intellekt əsaslı müşahidə sistemindən istifadə edəcəyi barədə məlumat yayılmışdı.
Qeyd: Məqalədə səsləndirilən qiymətləndirmələr Daily Telegraph nəşrinin müəllifinə məxsusdur və NATO-nun rəsmi mövqeyini əks etdirmir.
