1xeber.media xəbər verir ki, Shot Telegram kanalı "Kalambur" adlı məşhur televiziya proqramının hüquq sahiblərinin Rusiyadan Ukraynaya milyonlarla rubl vəsait çıxardığını iddia edib.
Məlumata görə, verilişin Rusiyadakı fəaliyyəti 2025-ci ildə 91 milyon rubl gəlir əldə edib. İddiaya əsasən, bu məbləğin 89 milyon rublu ABŞ-da qeydiyyatdan keçmiş şirkət vasitəsilə Ukraynaya köçürülüb.
"Kalambur" verilişinin ilk buraxılışları 1996-cı ildə Xarkov şəhərində lentə alınıb. Həmin il proqram Rusiyanın ORT telekanalına satılıb və 2000-ci ilədək bu kanalda yayımlanıb. Daha sonra, 2000–2001-ci illərdə veriliş RTR telekanalında efirə gedib.
Məlumata əsasən, layihənin hüquqi idarəçiliyi fəaliyyətə başladığı vaxtdan ABŞ-da yaradılmış AFL Productions şirkəti vasitəsilə həyata keçirilib. Bildirilir ki, şirkət 1997-ci ildə Rusiyada "Meriot" MMC adlı törəmə hüquqi şəxs təsis edib.
Qeyd edək ki, vəsaitlərin köçürülməsi ilə bağlı yayılan məlumatlar hazırda Shot kanalının iddialarına əsaslanır və bu barədə rəsmi qurumlar tərəfindən hələlik təsdiqləyici açıqlama verilməyib.
