Azərbaycan və Almaniya bu gün imzalanmış strateji tərəfdaşlıq haqqında bəyannamənin müddəalarının icrası üçün işçi qrupları yaratmağı planlaşdırır.
1xeber.media xəbər verir ki, bu barədə Azərbaycan Prezidenti İlham Əliyev Almaniyanın Federal Kansleri Fridrix Merts ilə mətbuat konfransında bildirib.
Dövlət başçısı qeyd edib ki, müxtəlif sahələr üzrə artıq konkret fəaliyyət planları hazırlanıb:
"Bugünkü bəyannamədə konkret bəndlər və planlar da öz əksini tapıb. Bu gün imzalanmış sənədlərin mümkün qədər tez icrasını təmin etmək üçün bir neçə işçi qrupu yaradılacaq".
