Komada olan oğlunu özəl hospitaldan dövlət xəstəxanasına köçürə bilmir...
1xeber.media xəbər verir ki, Lənkəranın Nərimanabad qəsəbə sakini Rəksanə Hüseynova bu iddia ilə "Xəzər TV"nin qaynar xəttinə müraciət edib.
Onun sözlərinə görə, avqust ayının 4-ü oğlu Möhübbət Quluzadəni avtomobil vurub. O ətrafakıların köməkliyi ilə təcili tibbi yardımla Kliniki Tibbi Mərkəzə çatdırılıb. Daha sonra Möhübbət Quluzadə əməliyyat olunub:
Valideynin sözlərinə görə, özəl tibb müəssisəsində müalicə ödənişli olduğu üçün övladını Yeni Klinikaya köçürmək istəyiblər. Bununla bağlı 5 gün öncə müraciət etsələr də, heç bir nəticəsi olmayıb. Hazırda müalicə aldığı özəl hospitala xeyli məbləğdə ödəniş ediblər. Hətta, 3 min manat borcları yaranıb.
