Rusiyanın xarici işlər naziri Sergey Lavrov Rusiyanın Bonndakı baş konsulluğunun bağlanmasını “məcburən sevimli ola bilməzsən” atalar sözü ilə şərh edib.
1xeber.media xəbər verir ki, Lavrov bu barədə sentyabrın 7-də MGIMO tələbələri və müəllimləri qarşısında çıxışı zamanı danışıb.
Nazir bildirib ki, Rusiya tərəfi bu addımı həmin atalar sözü ilə izah edir. Onun sözlərinə görə, Rusiyanın tərəfdaşlarına “sevimli görünmək” kimi bir məqsədi olmayıb.
Lavrov qeyd edib ki, Moskva yalnız dürüst şəkildə razılaşmalar əldə etmək istəyib. O, Qərbdə isə belə danışıqlar aparmaq bacarığının olmadığını iddia edib.
