Kürdəmir Rayon İcra hakimiyyəti başçısının müntəzəm olaraq yerlərdə əhali ilə keçirdiyi səyyar qəbul və görüşlər davam etdirilir.
1xeber.media xəbər verir ki, RİH başçısı Elşən Həsənli Kürdəmir rayon Şilyan kənd sakinləri ilə görüşüb.
Görüşdə icra başçısının müavini, şöbə və sektor müdirləri, hüquq-mühafizə orqanlarının, xidmət təşkilatlarının rəhbərləri, kənd inzibati ərazi dairəsi üzrə nümayəndəsi, bələdiyyə sədri və şəhər sakinləri iştirak ediblər.
Elşən Həsənli çıxış edərək rayon ərazisində aparılan abadlıq quruculuq işləri, həyata keçirilən infrastruktur layihələri, əhalinin sosial problemlərinin həlli istiqamətində görülən tədbirlər və bu sahədə qarşıda duran vəzifələrlə bağlı sakinlərə məlumat verib. Daha sonra səyyar qəbulda iştirak edən sakinlərin müraciət, təklif və xahişləri dinlənilib.
Müraciətlərdə qaldırılan məsələlərin həlli ilə bağlı E. Həsənli tərəfindən müvafiq tapşırıqlar verilib və onların icrası nəzarətə götürülüb.
