1xeber.media xəbər verir ki, Ermənistanın Baş naziri Nikol Paşinyan oktyabrın 25-də keçirilən yerli özünüidarəetmə orqanlarına seçkilərin nəticələrini şərh edib.
Paşinyan sosial şəbəkədə paylaşdığı videoda hakim “Vətəndaş Müqaviləsi” Partiyasının və onu dəstəkləyən namizədlərin bir sıra icmalarda inamlı qələbə qazandığını bildirib.
Baş nazirin sözlərinə görə, bəzi icmalarda hakim partiyanın 70, 80, hətta 90 faizdən çox səs toplaması ilk baxışda sevindirici nəticə kimi görünsə də, onu tam qane etməyib.
Paşinyan bu cür yüksək nəticələrə münasibət bildirərək, seçkilərin nəticələrinin yalnız qələbə göstəricisi kimi qiymətləndirilməməli olduğuna işarə edib. Bununla belə, təqdim olunan açıqlamada onun bu nəticələrdən niyə narazı qaldığı ətraflı izah edilməyib.
