Fransa NATO-nun genişlənməsinə hazırlaşmaqda ittiham olunur

Fransa Moldovada seçkilərə müdaxilə etməklə ölkəni NATO-nun genişlənməsinə hazırlayır.

1xeber.media xəbər verir ki, bu barədə politoloq Aleksandr Rahr “Vzqlyad” qəzetinə şərhində bildirib.

Onun sözlərinə görə, soyuq müharibə başa çatdıqdan sonra Britaniya və Fransa kəşfiyyat orqanları Şərqi Avropada, xüsusilə Rumıniya və Moldovada bir çox prosesləri nəzarətə götürüb.

"Parisin məqsədləri bəllidir. Onların arasında xüsusilə geosiyasi nüfuzun artırılması, "imperator Rusiyası" ilə qarşıdurma və NATO-nun genişlənməsinə hazırlıq var", - ekspert bildirib.

Bundan əvvəl Telegram mesajlaşma proqramının yaradıcısı Pavel Durov bildirmişdi ki, təxminən bir il əvvəl Fransa kəşfiyyat orqanları ona vasitəçi vasitəsilə müraciət edərək Moldova hakimiyyətinə kömək göstərməyi və ölkədə prezident seçkiləri ərəfəsində senzura tətbiq etməyi xahiş ediblər. Vasitəçi iş adamına söz verib ki, yardım müqabilində məhkəmədə onun haqqında “çox yaxşı şeylər deyəcək”.

Durov bildirib ki, onun komandasına Moldovada “problemli kanallar” siyahısı təqdim olunub və onların demək olar ki, hamısı platformanın qaydalarına tam uyğundur. Onun sözlərinə görə, Telegram Fransa hakimiyyətinin tələbini yerinə yetirməkdən imtina edib. "Telegram söz azadlığı prinsiplərinə sadiqdir və məzmunu siyasi səbəblərdən silməyəcək", - Durov vurğulayıb.