Ermənistan və ABŞ Tramp yolu layihəsini müzakirə etməyə başlayıb

Son məsləhətləşmələr zamanı Ermənistan və ABŞ Amerika prezidentinin adını daşıyan Sünik bölgəsində “Donald Tramp marşrutu”nun açılması və istismara verilməsini müzakirə etməyə başlayıblar.

1xeber.media xəbər verir ki, bu barədə Ermənistanın baş naziri Nikol Paşinyan bildirib.

"Amerika nümayəndə heyəti bu yaxınlarda Ermənistanda olub. Müzakirələr başlayıb və bu müzakirələr davam edəcək", - hökumət başçısı bildirib.

Avqustun 8-də Azərbaycan prezidenti İlham Əliyev və Ermənistanın baş naziri Paşinyan Vaşinqtonda Trampla üçtərəfli görüşün yekunları üzrə birgə bəyannamə imzalayıblar. Sənədə əsasən, Zəngəzur dəhlizinin Ermənistan ərazisindən keçən hissəsi 99 il müddətinə Amerika şirkətinə verilir və “Tramp marşrutu” adlandırılacaq.

Paşinyan bundan əvvəl Ermənistanın Avropa Birliyinə (Aİ) qəbul oluna bilməyəcəyini etiraf edib. O, bəyan edib ki, İrəvanın əsas məqsədi bütün sahələrdə Aİ standartlarına nail olmaqdır.