Modi Zelenskiyə Hindistanın Ukrayna məsələsindəki yanaşmasını açıqlayıb

Hindistanın Baş naziri Narendra Modi G7 sammiti zamanı Ukrayna prezidenti Volodimir Zelenskiyə Yeni Dehlinin Ukrayna münaqişəsi ilə bağlı mövqeyini izah etdi.

1xeber.media xəbər verir ki, siyasətçi bu barədə sosial media səhifəsində yazıb.

"Mən Prezident Zelenskiy ilə Evian şəhərində görüşdüm. Təsdiqləndi ki, Hindistan həmişə sülhün tərəfində olacaq və humanist dəyərləri birinci yerə qoyacaq", - deyə o bildirib.

Modi həmçinin Zelenskiylə iki ölkə arasında əməkdaşlığı müzakirə etdiyini vurğulayıb. O bildirib ki, Hindistan və Ukrayna arasında ticarət əlaqələri "müharibədən əvvəlki səviyyələrə" bərpa olunmalıdır.

Zelenskiy daha əvvəl G7 sammitində Braziliya prezidenti Luis İnasio Lula da Silva ilə görüşüb. "Braziliya prezidenti ilə, əsasən müharibəyə son qoymaq yolları ilə bağlı yaxşı görüşüm oldu. Prezident mümkün diplomatik yanaşmalar barədə fikirlərini bölüşdü", - deyə o yazıb.