Rusiyada dolların məzənnəsi yüksəlib

1xeber.media xəbər verir ki, 26 iyun Cümə günü keçirilən ticarət əməliyyatları zamanı dollar Forex bazarında 78 rubldan yuxarı qalxıb.

Pik nöqtəsində ABŞ dolları 78,76 rubla çatıb. Moskva vaxtı ilə saat 13:17-də dollar 77,61 rubla düşüb. Buna baxmayaraq, əvvəlki sessiyanın bağlanışından əldə edilən qazanc həmin vaxta qədər 2,32 faiz və ya 1,76 dollar olub.

Daha əvvəl Rusiya banklararası bazarında dollar üç aylıq maksimuma çatıb. Həmin vaxt qlobal ehtiyat valyutası 76 rublu keçib. Hazırkı rəsmi məzənnə 75,63 rubl olaraq müəyyən edilib.

Ekspertlər rublun zəifləməsini bir sıra amillərlə əlaqələndirirlər. Alfa-Bankın valyuta və faiz dərəcəsi strateqi Nikita Evrov bu dinamikanın əsas səbəbləri kimi qlobal neft qiymətlərinin uzun müddətli azalmasını və Rusiya əmtəə ixracatçıları tərəfindən xarici valyuta satışlarının gözlənilən azalmasını göstərib. Bu amilləri nəzərə alaraq, analitik yayın sonuna qədər dolların 80 rubla qədər möhkəmlənəcəyini istisna etməyib.