Qəbələ İcra Hakimiyyəti Sarıhacallı yolları ilə bağlı iddialara cavab verdi: "Yenidən təmir işlərinə başlanılacaq"

İcra Hakimiyyətindən verilən rəsmi məlumata görə, Sarıhacallı kənddaxili yolları Yeni Dizaxlı Bələdiyyəsi tərəfindən müvafiq cari təmir işlərindən keçib. Lakin iddia edildiyi kimi işlərin qanunsuz və ya keyfiyyətsiz görülməsi faktı reallığı əks etdirmir. Belə ki, təmirdən dərhal sonra rayonda müşahidə olunan güclü yağıntılı hava şəraiti yolun bir neçə hissəsində çökmələrə və çuxurların yaranmasına səbəb olub. Bu isə hər bir tikinti və bərpa prosesində baş verə biləcək təbii və fors-major bir hal kimi qiymətləndirilir.