NATO-dan milyardlıq qərarlar – Ankara sammitində müdafiə sənayesinə yeni impuls

 Türkiyənin paytaxtı Ankarada keçirilən NATO Liderlər Sammiti çərçivəsində alyansın müdafiə sənayesini gücləndirəcək milyardlarla dollar dəyərində yeni silah və hərbi texnologiya müqavilələrinin elan olunacağı gözlənilir. Sammit müdafiə xərclərinin artırılması və istehsal gücünün genişləndirilməsi istiqamətində mühüm mərhələ kimi qiymətləndirilir.  

1xeber.media xəbər verir ki, NATO-nun təşkil etdiyi Müdafiə Sənayesi Forumunda üzv ölkələrin hökumət nümayəndələri, müdafiə şirkətləri və investorlar bir araya gələrək birgə istehsal, silah tədarükü və hərbi texnologiyalara investisiyalarla bağlı yeni razılaşmaları müzakirə edirlər. Forumun əsas məqsədi alyansın müdafiə istehsalını sürətləndirmək və ölkələr arasında əməkdaşlığı gücləndirməkdir.  

Sammitin gündəliyində müdafiə xərclərinin artırılması, Avropanın təhlükəsizlik imkanlarının gücləndirilməsi, Ukraynaya davam edən dəstək, həmçinin NATO-nun yeni təhlükəsizlik strategiyası əsas mövzular sırasında yer alır. Liderlərin bu istiqamətdə bir sıra siyasi və hərbi qərarlar qəbul edəcəyi gözlənilir.  

Ekspertlərin fikrincə, Ankarada veriləcək qərarlar təkcə NATO ölkələrinin deyil, qlobal müdafiə bazarının gələcək inkişafına da təsir göstərə bilər. Yeni müqavilələrin hərbi istehsalın artırılmasına, texnoloji yeniliklərin tətbiqinə və alyans daxilində sənaye əməkdaşlığının genişlənməsinə təkan verəcəyi bildirilir.