Peskov: Putinlə MKİ rəhbərinin görüşü planlaşdırılmayıb

1xeber.media xəbər verir ki, Kremlin sözçüsü Dmitri Peskov ABŞ Mərkəzi Kəşfiyyat İdarəsinin (MKİ) direktoru Con Rəttkliffin Moskvada Rusiya Prezidenti Vladimir Putinlə təmaslarının planlaşdırılmadığını bildirib.

“Putinlə təmaslar planlaşdırılmayıb”, – deyə Peskov TASS-a açıqlamasında bildirib.

Qeyd edək ki, Peskov daha əvvəl Rəttkliffin Moskva səfərinin xüsusi xidmət orqanları arasında təmaslarla bağlı olduğunu açıqlamışdı. Səfərin digər detalları barədə məlumat verilməyib.

MKİ rəhbəri avqustun 25-də gözlənilmədən Rusiyaya gəlib. Həmin gün səhər saatlarında Moskvadakı Vnukovo hava limanına ABŞ-a məxsus Boeing C-17 Globemaster III hərbi-nəqliyyat təyyarəsi eniş edib.