Manşet - Son xəbərlər,Azərbaycanda və Dünyada ən aktual hadisələr 1Xeber.media Xəbər Saytında https://1xeber.media/ Manşet - Son xəbərlər,Azərbaycanda və Dünyada ən aktual hadisələr 1Xeber.media Xəbər Saytında true https://1xeber.media/gundem/55375-mehdiyev-isinde-sessizlik-nevesi-bahali-heyati-ile-gundemde.html xeber Xəbərlər•Manşet Sun, 03 May 2026 12:25:19 +0400

“Mehdiyev işi”ndə səssizlik, nəvəsi bahalı həyatı ilə gündəmdə

Babası ev dustağı olan Hikmət Əliyev hazırda Birləşmiş Ərəb Əmirlikləri ilə yanaşı Türkiyə, Fransa, İngiltərə və Serbiyada biznes şəbəkəsini sürətlə genişləndirir

Prezident Administrasiyasının sabiq rəhbəri Ramiz Mehdiyevin istintaqa cəlb olunmasından 6 ay ötür. Ona qarşı Cinayət Məcəlləsinin 278.1 (dövlət hakimiyyətini ələ keçirməyə yönələn əməllər), 274 (dövlətə xəyanət) və 193-1.3.2-ci (cinayət yolu ilə əldə edilmiş əmlakı leqallaşdırma) maddələri ilə ittiham irəli sürülüb. Səbayel Rayon Məhkəməsi Ramiz Mehdiyev barəsində ev dustaqlığı növündə qətimkan tədbiri seçib. Ötən ilin 14 oktyabr tarixində verilmiş 4 aylıq qətimkan tədbiri qərarı bu ilin fevralında növbəti dəfə 4 ay müddətinə uzadılıb. Beləliklə, 8 aylıq müddət bu ilin iyununda yekunlaşır.
Bu arada isə Ramiz Mehdiyevin nəvəsi Hikmət Əliyev haqqında yeni məlumatlar yayılıb. Sabiq deputat İlham Əliyevin oğlu olan Hikmət Əliyev zaman-zaman dəyəri milyonlarla ölçülən sərvəti ilə ölkə mediasının gündəminə gəlib, onun lüks həyat tərzi sosial mediada geniş müzakirələrə səbəb olub.
Xatırladaq ki, “milyoner nəvə” 2025-ci ildə daha çox Dubay macəraları və bahalı avtomobillərlə gündəmə gəlmişdi. Həmin dövrdə bununla bağlı ölkə mediasında çoxsaylı məqalələr və videomateriallar dərc olunmuşdu.

Dia.az-ın əldə etdiyi məlumata görə, Ramiz Mehdiyevin nəvəsi hazırda Birləşmiş Ərəb Əmirlikləri ilə yanaşı Türkiyə, Fransa, İngiltərə və Serbiyada biznes və daşınmaz əmlak şəbəkəsini sürətlə genişləndirməkdədir. Belə ki, Hikmət Əliyev bu ölkələrdə əsasən villalar və ictimai iaşə obyektləri alıb və onların bir çoxunu qısa müddət sonra icarəyə verib. Bununla yanaşı, son bir il ərzində Hikmət Əliyev öz avtomobil kolleksiyasını əhəmiyyətli dərəcədə genişləndirib, həm say, həm də dəyər baxımından onu daha da zənginləşdirib. Onun Avropa və Şərq ölkələrində əyləncələrə xərclədiyi böyük məbləğlər də diqqət çəkməyə başlayıb. Artıq Hikmət Əliyevin xarici ölkələrdə bəzi media orqanları və blogerlərin diqqət mərkəzinə düşdüyü iddia olunur. Bu isə o deməkdir ki, onun lüks yaşamı və sərhəd tanımayan əyləncə həyatı Azərbaycanın adının gəzib-dolaşdığı ölkələrdə mənfi kontekstdə hallanmasına səbəb ola bilər. Onun xüsusilə Avropada aldığı villalar və ictimai iaşə obyektləri, eləcə də milyonlarla ölçülən avtomobil kolleksiyası beynəlxalq maliyyə monitorinqi orqanlarının da diqqətini cəlb edə bilər.
Bəs Hikmət Əliyevin sağa-sola xərclədiyi bu vəsaitlərin mənbəyi haradandır?
Bu sualın cavabı üçün geniş istintaq tədbirlərinə ehtiyac var. Lakin ortada olan və illərdir mətbuatın gündəmindən düşməyən, Hikmət Əliyevin atası İlhamın birbaşa fiqurantı olduğu zəbt, mənimsəmə və ələ keçirmə iddiaları ilə bağlı çoxsaylı faktlar mövcuddur. Məsələn, şabranlı sahibkar Mansur İbrahimovun yüz hektarlarla torpaq sahələrinin və şirkətlərinin ələ keçirilməsi ilə bağlı birbaşa Hikmət Əliyevin atasının adı keçir. Mansur İbrahimov Ramiz Mehdiyev istintaqa cəlb olunan günün səhəri Dövlət Təhlükəsizliyi Xidmətinə müraciət edərək, onun kürəkəni, eks deputat İlham Əliyev vasitəsilə şimal bölgəsində törədilən cinayətlərlə bağlı materiallar təqdim edib. Sahibkar Musavat.com-a açıqlamasında deyib: “Ramiz Mehdiyev Azərbaycana, onun iqtisadiyyatına böyük zərər vurub. Onun təzyiqləri ilə mənim kimi yüzlərlə sahibkar çökdürülüb, biznesləri əllərindən alınıb”.

Mansur İbrahimov bildirib ki, xüsusilə Şabranda baş vermiş və Ramiz Mehdiyevin, eləcə də onun kürəkəni İlham Əliyevin adı ilə bağlı olan cinayət faktları barədə iki qovluq materialı lazımı orqanlara göndərib. Onun sözlərinə görə, Prezident İlham Əliyevin rəhbərliyi ilə həyata keçirilən islahatlardan bəhrələnərək kənd təsərrüfatı ilə məşğul olub, yüzlərlə iş yeri yaradıb, lakin sonradan təzyiqlərlə üzləşib. Sahibkar iddia edir ki, İlham Əliyev şəriklik adı ilə onun biznesinə daxil olaraq heç bir vəsait qoymadan şirkətlərini və torpaqlarını ələ keçirib. Mansur İbrahimovun sözlərinə görə, məhkəmələrdə də haqlı olsa da, hakimlər qərarları Ramiz Mehdiyevin kürəkəninin xeyrinə çıxarıblar. O, həmçinin iddia edir ki, 3 milyon manatlıq alqı-satqı müqaviləsi sənədlərdə cəmi 5 min 600 manat kimi göstərilib və həmin vəsait də faktiki olaraq özü tərəfindən ödənilib. Bakı Kommersiya Məhkəməsində keçirilən iclasda İlham Əliyevin ödəniş etmədiyini etiraf etdiyi də qeyd olunur. Sahibkar deyir ki, Ramiz Mehdiyev və onun kürəkəni Şimal zonasında aqrar sahədə həyata keçirilən dövlət siyasətinə zərbə vurub, biznesləri ələ keçirib və sosial narazılıq yaratmağa çalışıblar. Mansur İbrahimov qeyd edir ki, ona məxsus olan və İlham Əliyev tərəfindən zəbt olunmuş torpaqlarda hazırda Hikmət Əliyevin adına “Hikmət Aqro” adlı şirkətin fəaliyyət göstərir.
Hikmət Əliyevin barəsində son məlumatlara münasibət bildirən Mansur İbrahimov deyib ki, Ramiz Mehdiyevin nəvəsi onu vəsaitləri hesabına Avropada kef çəkir: “Onun sağa-sola xərclədiyi pulları atası İlham mənim zəbt olunmuş bağlarımdan əldə edir. Proses bu gün də davam edir, hələ də mənim meyvə bağların İlhamın zəbti altındadır. Ümid edirəm ki, Dövlət Təhlükəsizliyi Xidmətində başlanmış istintaq çərçivəsində Ramiz Mehdiyevin başçılığı altında mənə qarşı törədilən cinayətlər araşdırlacaq, onun kürəkəni İlham, mənim pullarım hesabına xaricdə kef çəkən nəvəsi də istintaqa cəlb olunacaqlar”.

Musavat.com

]]> true https://1xeber.media/gundem/55354-sabiq-gomruk-reisinin-villa-badam-macerasi.html xeber Xəbərlər•Manşet Sat, 02 May 2026 19:51:46 +0400

Sabiq gömrük rəisinin Villa Badam macərası...

Bakı Baş Gömrük İdarəsinin sabiq rəisi Kənan Məmmədovla bağlı redaksiyamıza yeni məlumat daxil olub. Məlumata görə, adı hər zaman ölkə mediasıdna müxtəlif qalmaqallarda hallanan sabiq gömrük məmuru Kənan Məmmədov Villa Badam deyilən ərazidən dəyəri 600-800 min manat olan bir neçə ev alıb.
1xebeer.media bizimesr.az-a istinadla xəbər verir ki, bununla kifayətlənməyən keçmiş gömrük generalı, əlaqə və maddi üstünlüyündən istifadə edərək Villa Badam kompleksində “zəif bənd” hesab etdiyi şəxsləri sıxışdırmağa başlayıb.

Artıq həmin şəxslərdən bəzisinin Kənan Məmmədov tərəfindən məhkəməyə verildiyi bildirilir.
Villa Badam sakinlərini isə əsasən bir məsələ narahat edir: Kənan Məmmədov bu qədər sərvəti necə, hansı yolla əldə edib? Niyə bu şəxs haqqında bugünə qədər ölkə mediasında yer alan çoxlu sayda məqalələrdən heç biri araşdırılmayıb? Və ən nəhayət, gec də olsa Kənan Məmmədova “dur” deyən oacaqmı?

Vaxtilə Kənan Məmmədovla bağlı mediada yer alan bəzi məqalələrin linkini oxuculara təqdim edirik.

https://qafqazinfo.az/news/detail/daha-bir-general-vezifesinden-azad-olundu-374861
https://modern.az/az/hadise/366954/kirvelerin-milyonluq-gmruk-emeliyyati-generalla-bali-alasimaz-faktlar/
https://konkret.az/baki-bas-gomruk-idaresinin-reisi-sahibkardan-rusvet-isteyir-kenan-memmedovla-bagli-prezidente-muraciet/

]]> true https://1xeber.media/gundem/55349-genclerle-heyder-eliyev-ve-omer-eldarov-yaradiciligi-movzusunda-gorus-olub.html xeber Xəbərlər•Manşet Sat, 02 May 2026 18:23:40 +0400

Gənclərlə “Heydər Əliyev və Ömər Eldarov yaradıcılığı” mövzusunda görüş olub

Mayın 2-də Heydər Əliyev Mərkəzində tələbələrlə “Heydər Əliyev və Ömər Eldarov yaradıcılığı” mövzusunda görüş keçirilib.

1xeber.media AZƏRTAC-a istinadən xəbər verir ki, Ümummilli Lider Heydər Əliyevin anadan olmasının 103-cü ildönümü ərəfəsində təşkil olunan görüşün məqsədi Ulu Öndərin irsinin dərindən öyrənilməsi və təbliği, eləcə də ölkəmizdə 2026-cı ilin “Şəhərsalma və Memarlıq İli” olması nəzərə alınaraq, Heydər Əliyevin rəhbərliyi dövründə Azərbaycanda formalaşmış memarlıq məktəbi haqqında, şəhərsalma üzrə həyata keçirilmiş irimiqyaslı işlər, bu sahədə milli irsin qorunması baxımından aparılan siyasət barədə gənc nəsli maarifləndirməkdir.

Görüşdə tanınmış heykəltaraş, Xalq rəssamı Ömər Eldarovun yaradıcılığı, onun Azərbaycan memarlıq və təsviri sənətində rolu, eləcə də Ümummilli Liderin mədəniyyət və incəsənət sahəsinə verdiyi töhfələr barədə müzakirələr aparılıb.

Heydər Əliyev Mərkəzində müxtəlif sahələri, o cümlədən mədəniyyət və incəsənət sahələrini əhatə edən tədbirlərin təşkil olunduğunu qeyd edən Azərbaycan Respublikası Prezidentinin köməkçisi, Heydər Əliyev Mərkəzinin direktoru Anar Ələkbərov heykəltaraşlıq nümunələrinin nümayişinin keçirildiyini də diqqətə çatdırıb: "Ömər Eldarov daim bizə bu məsələlərdə dəstək olur. Bu günlərdə biz Heydər Əliyev Mərkəzi və Heydər Əliyev Fondu olaraq Ulu Öndərin doğum günü ilə bağlı silsilə tədbirlər keçiririk. Bizim üçün qürurlu bir gündür ki, bu gün siz Heydər Əliyev Mərkəzində xüsusi hazırlanmış bir tədbirdə iştirak edirsiniz".

Ulu Öndər Heydər Əliyevlə bağlı xatirələrini bölüşən Ömər Eldarov onun çox müdrik lider, ünsiyyətcil və səmimi bir insan olduğunu deyib. Ümummilli Liderin incəsənətə olan marağından bəhs edən Xalq rəssamı Heydər Əliyevin rəssam olmaq arzusundan danışıb, doğmaları arasında tanınmış rəssam və memarın olduğunu qeyd edib. O, Ulu Öndərin sərgiləri ziyarət etdiyini, təsviri incəsənət barədə fikir mübadiləsi apardığını bildirib.

Görüş zamanı, həmçinin videoçarxlar nümayiş etdirilib. Videoçarxlarda sənətkarın zəhmətkeşliyinə və əzmkarlığına verilən yüksək qiymət, Ulu Öndərin Ömər Eldarovla yaradıcılıq prosesi, əsərlərin konsepsiyası ilə bağlı dialoqu, Azərbaycan heykəltaraşlıq məktəbinin rolu əks olunub.

Qeyd edək ki, “Heydər Əliyev və Ömər Eldarov yaradıcılığı” layihəsi Ulu Öndərlə yaxın ünsiyyətdə olmuş, onunla sıx təmasda fəaliyyət göstərmiş tanınmış şəxslərin iştirakı ilə reallaşan ilk tədbirlərdən biridir. Həmin silsiləyə Ömər Eldarovun yaradıcılığına müraciət etməklə start verilməsi də təsadüfi deyil. Yaradıcılıq hər dövrdə təkcə estetik zövqün formalaşmasına deyil, həm də xalqlar arasında dostluq körpüsünün qurulmasına xidmət edib. Ümummilli Lider Heydər Əliyev isə Ömər Eldarovun sənətini “insanlıq və mədəniyyət rəmzi” adlandırıb.

Layihə gənc nəslin milli-mədəni irsə marağının artırılması, onların estetik zövqünün formalaşdırılması və ölkəmizin memarlıq və şəhərsalma sahəsində əldə etdiyi nailiyyətlərin geniş ictimaiyyətə çatdırılması baxımından da xüsusi əhəmiyyət kəsb edir.

Görüş çərçivəsində Xalq rəssamı tədbir iştirakçılarının suallarını cavablandırıb.

]]> true https://1xeber.media/gundem/55273-vuqar-ehmedov-cebrayil-qubadli-ve-zengilan-sakinleri-ile-gorusdu.html xeber Xəbərlər•Manşet Fri, 01 May 2026 22:55:54 +0400

Vüqar Əhmədov Cəbrayıl, Qubadlı və Zəngilan sakinləri ilə görüşdü

“Azərişıq” ASC-nin sədri Vüqar Əhmədov bu gün Cəbrayılda vətəndaşları qəbul edib.

1xeber.media xəbər verir ki, Cəbrayıl, Qubadlı, eləcə də Zəngilan sakinlərinin iştirak etdiyi qəbul mərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda vətəndaşların qəbulu cədvəlinə əsasən təşkil olunub.

“Azərişıq” ASC-nin Cəbrayıl Rəqəmsal İdarəetmə Mərkəzində keçirilən tədbirdə Səhmdar Cəmiyyətin fəaliyyət istiqamətlərinə uyğun olan müvafiq müraciətlər cavablandırılıb. Həmçinin qaldırılan bəzi məsələlərin yerindəcə həlli ilə bağlı tədbirlər görülüb. Həlli araşdırma tələb edən məsələlərlə əlaqədar yazılı müraciət qeydə alınaraq aidiyyəti şöbələrin icraatına göndərilib.

ASC tərəfindən ölkənin bütün regionlarında vətəndaşlarla, eləcə də sahibkar və fermerlərlə görüşlər təşkil olunur, onların təklif və tövsiyələri dinlənilir. Bu cür görüşlərin keçirilməsində məqsəd maarifləndirici məlumatların verilməsi ilə yanaşı, abonentlərin dayanıqlı və fasiləsiz elektrik enerjisi ilə təmin olunması, mövcud problemlərin həll edilməsi və elektrik enerjisi itkilərinin minimuma endirilməsidir.

]]> true https://1xeber.media/gundem/55272-ahik-in-kurortunda-yoxlama-baslanib-sertfikasiyasiz-hekim-iddialari.html xeber Xəbərlər•Manşet Fri, 01 May 2026 22:53:53 +0400

AHİK-in “Kurort”unda yoxlama başlanıb?- sertfikasiyasız həkim iddiaları...

Azərbaycan Həmkarlar İttifaqları Konfederasiyasına (AHİK) məxsus “Kurort” Qapalı Səhmdar Cəmiyyətində yoxlamaların başlandığı iddia olunur.

1xeber.media xəbər verir ki,Bizimesr.com-a daxil olan məlumata görə, yoxlamaların çoxsaylı şikayətlər və narazılıqlar, eyni zamanda mediada yazılan məlumatlarda fonunda aparıldığı deyilir.

Məlumata əsasən, yoxlamalar əsasən QSC-nin balansında olan müalicə mərkəzlərinin lisenziyaları, öncəki illərdə lisenziyadan kənar tibbi xidmətlərin göstərilib-göstərilməməsi və müəssisələrdə çalışan həkim heyətinin sertifikasiyası ilə bağlı ola bilər.

“Kurort” QSC-yə məxsus sanatoriyalarda çalışan bəzi həkimlərin sertifikasiyadan keçmədiyi, hətta onların arasında ümumiyyətlə həkim olmayan şəxslərin də “həkim” kimi fəaliyyət göstərdiyi iddia olunur.

Məsələ ilə bağlı rəsmi qurumlar və ya “Kurort” QSC tərəfindən hələlik açıqlama verilməyib.

Qarşı tərəflərin mövqeyini işıqlandırmağa hazırıq.

]]> true https://1xeber.media/gundem/55225-prezidentin-teltif-etdiyi-ferecov-meshur-91-lerdendir-dosye.html Tural Xəbərlər•Manşet Fri, 01 May 2026 13:25:51 +0400

Prezidentin təltif etdiyi Fərəcov məşhur “91-lər”dəndir - DOSYE

1xeber.media xəbər verir ki, Prezident İlham Əliyev Azərbaycanın ictimai-siyasi həyatında uzunmüddətli səmərəli fəaliyyətinə görə Ədalət Nurulla oğlu Fərəcovu 2-ci dərəcəli "Əmək" ordeni ilə təltif edib.

Ədalət Fərəcov 1936-cı ildə Masallı rayonunun Kürdəbaz kəndində dünyaya gəlib. Masallı rayon onillik orta məktəbi bitirəndən sonra Azərbaycan Dövlət Pedaqoji İnstitutunda (ADPİ) ali təhsil alıb.
1963-cü ildə ali məktəbin Kimya-biologiya fakültəsini fərqlənmə diplomu ilə bitirən Ə.Fərəcov institutda saxlanılıb.
1970-ci ildə namizədlik dissertasiyası, 1990-cı ildə doktorluq dissetasiyası müdafiə edib.
1988-­1994-cü illərdə Azərbaycan Dövlət Pedaqoji Universitetində (ADPU) hərbi və fiziki təlim fakültəsinə dekan işləyib. 15 ildən artıq müddətdə respublikada biologiya fənni üzrə olimpiadanın sədri vəzifəsində çalışıb.
7 monoqrafiyanın, 8 dərsliyin, 3 dərs vəsaitinin və çoxlu sayda fənn proqramlarının müəllifidir.

1994-cü ildən 2017-ci ilədək ­ADPU-nun Fiziologiya kafedrasının müdiri, AMEA Fiziologiya İnstitutunun dissertasiya müdafiəsi şurasının həmsədri vəzifəsində işləyib.

Ədalət Fərəcov mərhum dövlət başçısı ­Heydər Əliyevə 1992-ci ildə müraciət imzalamış və Yeni Azərbaycan partiyasını yaradan məşhur 91-lərdəndir. 2006-cı ildə o, Prezident təqaüdünə layiq görülüb.

2017-ci ildə “Tərəqqi” medalı ilə təltif edilib. Bundan başqa, “Heydər Əliyevin 100 illiyi (1923-2023)” yubiley medalına, Elm və Təhsil Nazirliyinin “Əlaçı” döş nişanına layiq görülüb.

Prezident təqaüdçüsü, biologiya elmləri doktoru, professor Ədalət Fərəcov 90 yaşındadır.

]]> true https://1xeber.media/gundem/55182-sapka-mamed-azerinsaatservisin-mulklerini-kimlerle-ele-kecirib-sok-detallar.html xeber Xəbərlər•Manşet Fri, 01 May 2026 08:24:10 +0400

“Şapka Mamed “Azərinşaatservis”in mülklərini kimlərlə ələ keçirib? – ŞOK detallar

“Azərinşaatservis” ətrafında qalmaqal davam edir. Qurumun problemi 2014-cü il “Beynəlxalq Bank” qalmaqalından sonra yaşanıb.

Belə ki, bu hadisədən sonra “Azərinşaatservis” müflis elan edilib. Nəticədə, balansında olan bütün texnika və avadanlıqlara, habelə torpaq sahələrinə həbs qoyulub.

Qeyd edək ki, sözügedən qurumun qarşısında öhdəlik götürdüyü fiziki və hüquqi şəxslər var. İndiyə qədər 49 fiziki və hüquqi şəxsə olan real borc bu günə qədər ödənilməyib.

Bildirək ki, “Azərinşaatservis”in müflis olmasından sonra onun bütün əmlak və mülkləri “AqrarKredit” Bank Olmyan Kommersiya Təşkilatına (BOKT) verilir. Bu, BOKT-un əsas missiyası əmlak və mülklərin dəyərləndirilməsi, habelə onların hərrac yolu ilə satışını təşkil etmək və borcluların borc öhdəliklərini qarşılamaq olub. Lakin “AqrarKredit” bu öhdəliyi yerinə yetirməkdən məqsədli şəkildə yayınır.

Araşdırma zamanı məlum olub ki, müflis olana qədər “Azərinşaatservis”in balansında olan çoxlu sayda texnika və avadanlığı olub. Həmçinin müflis olana qədər təşkilatın alacaqları borcların məbləğindən çox olub. Lakin “Aqrarkredit” tərəfindən həyata keçirilən işlər nəticəsində ortalıqda heç nə yoxdur. Satışın necə həyata keçirildiyi, əmlaklara hansı qiymət qoyulduğu, pulların kimə verildiyi isə məlum deyil.

Araşdırma zamanı məlum olub ki, “Aqrarkredit”də bu işlərin başında BOKT-un rəhbəri, əksəriyyət tərəfindən “Şapka Mamaed” kimi tanınan Məmməd Musayev və onun ən yaxın “silahdaşı”, vaxtıyla “Azərsu”da (Qorxmaz Hüseynovun rəhbərliyi vaxtnda-red.) müavin postunu tutumuş Arzuman Abbasov dayanıb. Bütün proses onların istəyi və arzusu əsasında həyata keçirilib.

Bundan başqa, prosesdə olduqca maraqlı adamlar da var. Bu barədə haqqın.az saytının araşdırması nəticəsində bəlli olub ki, Məmməd Musayevlə birlikdə bu proesdə iştirakçı olan “Aqrarlredit” BOKT-un hüququ şöbəsinin müdiri Vilayət adlı şəxsin də rolu az deyil. O, məsələləri “qanun çərçivəsi”nə salır, digərləri də onun icrasını həyata keçirir.
Ortalıqdda adı hallananlardan biri də “Azərinşaatservis”in keçmiş rəhbəri Arzuman Abbasovun yaxın adamı olan, həmçinin “qara kassası” kimi tanınan Nazim adlı şəxsin də əhəmiyyətli rolundan bəhs olunur. Bildirilir ki, bu şəxs əvvəlki ənənəni saxlayaraq, görülən işlərdən əldə olunan maliyyəni “yerbəyer” etməkdə məsuldur.
Şikayətçilərin bildirdiklərinə görə, “Azərinşaatservis”in mal və mülklərinin “yerbəyer” edilməsində rolu olanlar arasında Ədliyyə Nazirliyinin Porbasiya Baş İdarəsinin də rolu var. Onların deddiklərinə görə, pörosesdə fəal olanlar arasında sözügedən baş idarənin rəisi Vidaddi Məmmədovun adı hallanır. Ona bu işdə yardımçı olanlar isə Binəqədi İcra Şöbəsinin rəisi Nəbiyev Fuad Fikrət oğlu və həmin şöbənin icra məmuru Əhmədov Asəm Əlqəmə oğlu hesab olunurlar.

Qeyd edək ki, baş verən bu prosesin pik nöqtəsi isə Binəqədi rayonu ərazisində yerləşən 3.5 hektar torpaq sahəsi ətrafında yaşnıb. Məlum olub ki, “Azərinşaatservis”in balansında olan bu torpaq sahəsinin toplam dəyəri 30-35 milyon manat hesab edilir. Yəni, bu günkü real dəyəri qeyd edilən məbləğdədir. Bu torpaq sahəsinin satışından əldə olunan gəlir isə 49 nəfər payçının haqqının ödənilməsinə sərf olunmalıdır. Lakin “Şapka Mamed” və Arzuman Abbasov torpaq sahəsini qanunsuz hərracla özəlləşdirərək digər 49 tələbkarı faktiki olaraq əliboş qoyub.

Qeyd edək ki, 49 nəfərin payçı olması və onların haqlarını təsdiq edən məhkəmə qərarı mövcuddur. Həmin payçılardan biri də “SİRR-M” MMC-dir. 10 fevral 2016-cı ildə Bakı 1 saylı İnzibati-İqtisad Məhkəməsi MMC-nin xeyrinə qətnamə çıxarıb. Həmin qərarda qeyd edilir ki, “Azərinşaatservis”dən 3.8 milyon manat vəsait bu şirkətin hesabına tutulmalıdır. Paralel olaraq, Binəqədi Məhkəmə Qərarları və İcrası Şöbəsinə qəti göstəriş verilib ki, qətnamənin icrası üçün prosedur başlatsın.

Əmlakın üzərinə həbs qoyulmasna dair Bakı Apellyasiya Məhkəməsinin 2018-ci il tarixli və 2025-ci il tarixli qərardadları var ki, həmin qərardadlar qüvvədə olduğu halda “SİRR-M” MMC-nin razılığı olmadan əmlak satıla bilməzdi.

İşin maraqlı tərəfi odur ki, Ədliyyə Nazirliyinin İcra Xidmətinə və Binəqədi Rayon İcra Şöbəsinə göstəriş verilib ki, əmlaka qoyulmuş həbs götürülsün və torpağın qiymətləndirilməsi prosesinə start verilsin. Bunun ardından Binəqədi rayon icra şöbəsi 3.5 hektar ərazinin qiymətləndirilməsi üçün prosesdur başladıb. Bazar dəyəri 30-35 milyon manat olan 3.5 hektar əraziyə 13 milyon manat qiymət qoyulub. Daha sonra isə qiymət naməlum şəkildə 25.000.000 manat müəyyən edilib. Hərçənd bu qiymətləndirməni necə apardıqları məlum deyil. Tələbkarlardan biri olan “Kəngərli” MMC isə haqlı olaraq buna etiraz edir. Şirkət qiymətləndirmənin düzgün aparılmadığını, mübahisəli olduğunu bildirir. Həmçinin Binəqədi Məhkəməsi qarşısında haqlı olaraq məsələ qaldırıb ki, “Bir qədər əvvəl 13 milyon manat qiymət qoyulan torpaq sahəsi qısa müddətdə necə 25 milyon manata hesablanıb?” Binəqədi Məhkəməsi şikayəti təmin edib və icra məmurunun hərəkətlərini qanunsuz hesab edib. Həmin qərardaddan icra məmuru və “Aqrarkredit” QSC BOKT şikayət verib, lakin Bakı Apellyasiya Məhkəməsi məhkəmə İcra Məmuru və “Aqrarkredit”in şikayətlərini əsassız sayıb.

1xeber.media Tribuna.az-a istinadən xəbər verir ki, 18 mart 2026-cı ildə icra məmuru hərracla bağlı sifarişini geri çəkib. Amma bundan 4 gün sonra, 22 mart 2026-cı ildə, qeyri-iş günündə “Aqrarkredit”in əliylə hərrac keçirilib.

Bildirək ki, 8 aprel 2026-cı ildə hərracla bağlı protokol imzalanıb.

Məlum olub ki, “Aqrarkredit” BOKT keçirilən hərracdan əldə olunan vəsaitin 1.6 milyon manatını icra xidməti haqqı kimi, 863 min manatını isə icra şöbəsinə ödəniş kimi ödəyib. Lakin 3.5 hektar torpaq sahəsinin konkret olaraq hansı qiymətə satdığı barədə isə bir kəlmə də yazmayıb. Bu azmış kimi, əldə olunan pulun 49 nəfərə olan borc hissəsi ödənilməli olan halda, onlara bir qəpik belə verilməyib. Halbuki məhkəmə qərarında açıq şəkiləd qeyd edilir ki, əldə olunan vəsait borclluların borcunun bağlanmasına sərf edilməlidir. Onların arasında isə “SİRR-M” MMC və daha 49 nəfərin olduğu qətnamə ilə təsdiqlənib. Elə bu səbəbdən də borclarını tələb edənlər haqlı olaraq şikayətçidirlər və pullarının ödənilməsini tələb edirlər.

Baş verənlərdən belə anlaşılır ki, “AqrarKredit” QSC BOKT başda Məmməd Musayev və Arzuman Əhmədovla birlikdə məhkəmə qərarlarını, qanunları, habelə borcluların haqqını bir kənara ataraq, öz bildikləri kimi davranaraq, qanunsuzluq ediblər. Nəticədə, “Azərinşaatservis”dən uzun illərdən bəri alacaqları olan şəxslər və şirkətlərin haqları tapdanıb və çarəsiz duruma düşüblər.

Məsələ ilə bağlı araşdırmamız davam edir. Yazıda adı keçən şəxs və qurumların mövqeyini dərc etməyə hazırıq.

]]> true https://1xeber.media/gundem/55146-heyder-eliyev-fondu-vatikanda-tarixi-abidelerin-berpasi-uzre-yeni-layihelerin-icrasina-baslayir.html xeber Xəbərlər•Manşet Thu, 30 Apr 2026 18:24:57 +0400

Heydər Əliyev Fondu Vatikanda tarixi abidələrin bərpası üzrə yeni layihələrin icrasına başlayır

Vatikan şəhər-dövlətinin qubernatorluğu ilə Heydər Əliyev Fondu arasında Müqəddəs Pavel Bazilikasında bərpa işlərinə dair daha bir müqavilə imzalanıb.

1xeber.media AZƏRTAC-a istinadən xəbər verir ki, Vatikanda keçirilən görüşdə sənədi Azərbaycan Prezidentinin köməkçisi, Heydər Əliyev Fondunun icraçı direktoru Anar Ələkbərov və Vatikan şəhər-dövlətinin qubernatorluğunun prezidenti, rahibə Raffaella Petrini imzalayıblar.

Yeni layihə çərçivəsində Müqəddəs Pavel Bazilikasının daxilində yerləşən Müqəddəs Pavel və Müqəddəs Pyotr heykəllərinin, həmçinin Bazilikanın həyətində Müqəddəs Pavel və Müqəddəs Luka heykəllərinin bərpası nəzərdə tutulub.

Müqəddəs Pavel Bazilikasının baş keşişi kardinal Ceyms Harvinin müşayiəti ilə bazilika kompleksinə baxış zamanı Heydər Əliyev Fondu tərəfindən aparılmış işlər və növbəti mərhələlərdə nəzərdə tutulan işlər barədə ətraflı məlumat verilib.

Bildirilib ki, Müqəddəs Pyotr Kilsəsindən sonra Vatikanın ikinci ən böyük kilsəsi olan Müqəddəs Pavel Bazilikası Roma şəhərində dörd əsas papalıq bazilikalarından biridir. Monumental ölçüləri, zəngin mozaikaları və uzun sütun sıraları ilə seçilən bazilika dini, mədəni abidə kimi böyük əhəmiyyət daşıyır və hər il minlərlə zəvvar və turist tərəfindən ziyarət olunur.

Bərpa işləri zamanı müasir texnologiyaların tətbiq olunması nəzərdə tutulur. Xüsusilə lazer texnologiyası vasitəsilə səthin təmizlənməsi və təbiətə zərər verməyən bioloji vasitələrlə konservasiya işlərinin aparılması planlaşdırılır. Bu metodlar əvvəllər Vatikan bağlarında da uğurla tətbiq olunub.

Bazilikada, həmçinin Heydər Əliyev Fondunun dəstəyi ilə həyata keçirilmiş əvvəlki bərpa və tikinti işləri ilə tanışlıq olub.

Qeyd edək ki, 2024-cü il sentyabrın 11-də Müqəddəs Taxt-Tac tərəfindən 25 ildən bir qeyd edilən “Müqəddəs Yubiley İli” çərçivəsində Vatikan şəhər-dövlətinin qubernatorluğu ilə Heydər Əliyev Fondu arasında Müqəddəs Pavel Bazilikasının mərmər örtüklərinin və dekorativ elementlərinin qorunmasını, təhlükəsizliyinin təmin olunmasını və bərpasını nəzərdə tutan sənəd imzalanmışdı. Həmin müqavilə çərçivəsində Bazilikada aparılan bərpa və konservasiya işləri artıq uğurla tamamlanıb.

]]> true https://1xeber.media/gundem/55051-hemkarlarin-sanatoriyalarinda-ne-bas-verir-bos-otaqlar-amma-yerimiz-yoxdur-cavablari.html xeber Xəbərlər•Manşet Wed, 29 Apr 2026 20:12:01 +0400

Həmkarların sanatoriyalarında nə baş verir? – Boş otaqlar, amma “yerimiz yoxdur” cavabları…

Uzun illərdir dövlət müəssisələrində çalışan, Azərbaycan Həmkarlar İttifaqları Konfederasiyasının (AHİK) üzvü olan və əməkhaqqından 2 faiz üzvlük haqqı tutulan işçilərin sanatoriya və müalicə mərkəzlərində istirahət və müalicə imkanlarına çıxışı ciddi problem olaraq qalır.

Bu sahədə vəziyyət xüsusilə keçmiş AHİK sədri Səttar Möhbalıyevin 31 illik rəhbərliyi dövründə faktiki olaraq əlçatmaz hala gəlmişdi. 2024-cü ildə onun vəzifədən uzaqlaşdırılmasından sonra AHİK sədri postuna Sahib Məmmədov təyin olundu. Həmin dövrdən sonra aparılan təbliğat kampaniyalarında sanatoriyalara qəbul və müalicə prosesinin guya sistemləşdirildiyi, hətta online növbə sisteminin qurulduğu bildirilirdi.

Bizimesr.com-a daxil olan məlumatlara görə, AHİK tərəfindən “e-ahik.az” platforması vasitəsilə qeydiyyat və onlayn sistemin qurulmasına külli miqdarda vəsaitin xərcləndiyi iddia edilir. Bu sistem vasitəsilə vətəndaşlar AHİK balansında olan “Kurort” QSC-yə məxsus sanatoriya və müalicə mərkəzlərində illərdir ödədikləri üzvlük haqlarının qarşılığında xidmət almağa çalışırlar. Lakin prosesdə ciddi problemlərlə qarşılaşırlar və əgər mülicə mərkəzlərinə düşsələr daha böyük problemlər onları gözləyier.

Sistem… və sistemsizlik…

Araşdırmalara görə, “e-ahik.az” portalında qeydiyyatdan keçən vətəndaşlar çox vaxt “yer yoxdur” və ya “sistem problemi var” kimi cavablarla qarşılaşırlar. Halbuki, iddialara əsasən, “Kurort” QSC-yə məxsus sanatoriya və müalicə mərkəzlərində real vəziyyət tam fərqlidir və çoxlu sayda boş yerlərin mövcud olduğu bildirilir.

Məsələn, AHİK balansında olan və “Kurort naziri” Çingiz Hacıyevin nəzarətində olan “Buzovna” Fizioterapiya Mərkəzi filialında 90 müalicə yeri mövcuddur. Lakin burada müalicə alan xəstələr, həmçinin tibb personalı bildirir ki, real istifadədə olan çarpayı sayı adətən 40–50 nəfəri keçmir.Digər yerlərin isə çox vaxt boş saxlandığı iddia olunur. Bu günə olan məlumata görə, “Buzovna” Fizioterapiya Mərkəzi filialında 90 yerdən cəmi 28 nəfər müalicə alır. Diğər çarpayılar isə boş. Bu hissədə aidiyyatı qurumların araşdırma predmeti olan məqamı yada salmaq lazımdır. Həqiqətəndə bu yerlər boşdur yoxsa, boş olduğu halda rəsmi sənədlərdə dolu göstərilir? Bu artıq başqa araşdırma predmetidir. əgər bülə bir hal varsa, bu həm də cinayətdir.. Bu iddiaların araşdırılması dövlət qurumlarının işidir.

Bu isə sual doğurur: əgər yerlər boşdursa, niyə vətəndaşlara “yer yoxdur” cavabı verilir?

Vətəndaşların şikayətləri və əlavə ödəniş iddiaları

“Buzovna” Fizioterapiya Mərkəzi filialında AHİK xətti ilə gələn, illərdir üzvlük haqqı ödəyən vətəndaşların ciddi çətinliklərlə üzləşdiyi bildirilir. Şikayətlərə görə, xəstələrə ayrılan otaqlardan tutmuş müalicə prosesinə qədər fərqli yanaşmalar tətbiq olunur. Ən ciddi iddialardan biri isə müalicə işləri şöbəsinin müdiri, “həkim” Reyhanə Hüseynova ilə bağlıdır. İddialara görə, xəstələrə əlavə ödənişli prosedurlar təyin edilir və mümkün qədər çox prosedurun yazılması üçün tibb işçilərinə göstəriş verilir. Bu əlavə ödənişlərin işçilər arasında bonus sistemi ilə bölüşdürüldüyü, lakin gəlirin böyük hissəsinin hara yönəldiyi barədə rəsmi subutlar yoxdur.

Sertifikasiya və nəzarət problemləri

Digər ciddi narahatlıq isə tibb personalının sertifikasiyası ilə bağlıdır. İddia olunur ki, “Kurort” QSC-yə məxsus sanatoriyalarda çalışan tibbi heyətin sertifikasiyadan keçib-keçmədiyi məsələsi şəffaf deyil və ciddi araşdırmaya ehtiyac var. İddialara görə, “Kurort” QSC-yə məxsus sanatoriyalarda çalışan tibbi heyət sertifikasiyadan keçməyib. Bu faktlar da TƏBİB və ya Səhiyyə Nazirliyi tərəfindən araşdırılmalıdır.

Beləliklə, “Buzovna” Fizioterapiya Mərkəzi filialında müalicə alan vətəndaşların şikayətləri göstərir ki, burada sistemli problemlər mövcuddur. Bu faktların toplanması, video və foto halına salınması prossesi davam edir və növbəti günlərdə şikayətçilərin, eləcə də, bu müəsssələrdə şərlənərək işdən çıxarılan, müalicədən narazı qalan şəxslərin müraciətləri dərc olunacaq.


Bizimesr.com

]]> true https://1xeber.media/gundem/54934-prezident-ailesinin-qebeleden-semimi-fotosu.html xeber Xəbərlər•Manşet Tue, 28 Apr 2026 21:36:50 +0400

Prezident ailəsinin Qəbələdən səmimi - Fotosu

Prezident İlham Əliyevin qızı Leyla Əliyeva Qəbələdən ailəsi ilə birgə fotosunu paylaşıb.

1xeber.media xəbər verir ki, fotoda Prezident İlham Əliyev, Birinci vitse-prezident Mehriban Əliyeva, Bakı Media Mərkəzinin rəhbəri Arzu Əliyeva yer alıb.

]]>