Böyük Britaniyanın müdafiə naziri Con Healey Rusiya prezidenti Vladimir Putinə Ukrayna münaqişəsi ilə bağlı müraciət edib.
1xeber.media xəbər verir ki, onun sözlərini Sky News sitat gətirib.
Leyboristlər Partiyasının konfransında çıxış edən Healey, "Bu gün Liverpuldan Moskvaya mesajımız budur: Prezident Putin, siz qalib olmayacaqsınız. (...) Sülhlə razılaşın" dedi.
Britaniyanın müdafiə naziri əlavə edib ki, o, Ukraynanın təhlükəsizliyini Böyük Britaniyanın öz təhlükəsizliyinin ayrılmaz hissəsi hesab edir və Londonun Kiyevə dəstəyini davam etdirəcəyini vurğulayıb.
Bundan əvvəl ABŞ-ın vitse-prezidenti J.D.Vens bəyan etmişdi ki, Rusiya “oyanmalı və reallığı qəbul etməlidir”. O əlavə edib ki, ABŞ administrasiyasının Ukraynadakı münaqişənin həlli ilə bağlı mövqeyi dəyişməyib və Vaşinqton sülhün əldə olunması istiqamətində fəaliyyətini davam etdirəcək.
