Fələstinin HƏMAS hərəkatı Qəzza zolağı və Qərb sahilindəki strukturlarına yeni rəhbərlər təyin edib.
1xeber.media xəbər verir ki, bu barədə “Əl-Hədəs” telekanalı məlumat yayıb.
Məlumata görə, HƏMAS-ın keçmiş informasiya rəhbəri Əli əl-Əmudi Qəzza zolağındakı hərəkatın rəhbəri seçilib. Zaher Cabarin isə Qərb sahilində HƏMAS fəaliyyətinin əlaqələndirilməsinə rəhbərlik edəcək.
Bundan əvvəl HƏMAS Xəlil əl-Heyanın hərəkatın siyasi bürosunun rəhbəri seçildiyini açıqlamışdı.
Qeyd edək ki, HƏMAS-da rəhbərlik vəzifəsi Yəhya Sinvarın 2024-cü ilin oktyabrında İsrailin Rəfah şəhərinə endirdiyi zərbə nəticəsində öldürülməsindən sonra boş qalmışdı.
