Rusiyanın Bryansk vilayətinin müvəqqəti qubernatoru Yeqor Kovalçukun sözlərinə görə, Ukrayna Silahlı Qüvvələrinə məxsus pilotsuz uçuş aparatları vilayətin Klimov rayonunda yerləşən “Miratorq” şirkətinin obyektlərinə zərbələr endirib.
1xeber.media xəbər verir ki, Kovalçuk bu barədə Telegram kanalında məlumat yayıb.
Onun bildirdiyinə görə, hücum nəticəsində müəssisənin mühafizəçisi yaralanıb.
Bundan başqa, Kovalçukun sözlərinə əsasən, Klimov rayonunda yem daşıyan yük avtomobili boşaldılma zamanı pilotsuz uçuş aparatının hücumuna məruz qalıb. O qeyd edib ki, hadisə zamanı sürücü xəsarət almayıb.
Qeyd edək ki, məlumat Rusiya rəsmisinin açıqlamasına əsaslanır. Hadisə ilə bağlı Ukrayna tərəfi hələlik rəsmi açıqlama verməyib və məlumat müstəqil mənbələr tərəfindən təsdiqlənməyib.
