1xeber.media xəbər verir ki, Avropa ölkələrinin liderləri ABŞ Prezidenti Donald Trampın Qrenlandiya ilə bağlı iddiaları fonunda Vaşinqtonla mümkün hərbi qarşıdurma ehtimalını qapalı şəkildə müzakirə ediblər.
Bloomberg agentliyinin Avropa rəsmilərinə istinadən yaydığı məlumata görə, bəzi liderlər NATO daxilində müttəfiqlər arasında birbaşa toqquşma baş verəcəyi təqdirdə hansı addımların atılacağını nəzərdən keçiriblər.
Məlumatda qeyd olunur ki, Avropa rəsmiləri “NATO üzvlərindən birinin digərinə hücum etməsi” kimi görünməmiş ssenaridə alyans öhdəliklərinin ABŞ-a qarşı hərbi əməliyyatlara qoşulma tələb edib-etməyəcəyini müzakirə ediblər.
Agentliyin yazdığına görə, Trampın Qrenlandiyanı ABŞ nəzarətinə keçirmək üçün hərbi gücdən istifadə ehtimalı barədə açıqlamaları Avropadakı müttəfiqlər arasında ciddi narahatlıq yaradıb və Vaşinqtona inamı zəiflədib.
Xatırladaq ki, iyul ayında Ankarada keçirilən NATO sammitində Donald Tramp Danimarkaya məxsus Qrenlandiyanın ABŞ nəzarətinə verilməsi ilə bağlı tələblərini yenidən səsləndirib. O bildirib ki, ada Danimarkaya kifayət qədər fayda vermir və Kopenhagen Qrenlandiyanın “real dəstəyi” üçün kifayət qədər vəsait ayırmır.
Qeyd edək ki, bu məlumatlar Bloomberg-in Avropa rəsmilərinə istinadən yaydığı xəbərə əsaslanır.
